ਜਲੰਧਰ, ਐਚ ਐਸ ਚਾਵਲਾ। ਡਾਕਟਰ ਅੰਕੁਰ ਗੁਪਤਾ ਆਈ.ਪੀ.ਐਸ, ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ (ਦਿਹਾਤੀ) ਜੀ ਵੱਲੋਂ ਦਿੱਤੇ ਗਏ ਦਿਸ਼ਾ ਨਿਰਦੇਸ਼ ਅਨੁਸਾਰ ਸਮਾਜ ਦੇ ਭੈੜੇ ਅਨਸਰਾਂ/ਨਸ਼ਾ ਤਸਕਰਾਂ/ਪੀ.ਓ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿਮ ਦੇ ਤਹਿਤ ਸ੍ਰੀਮਤੀ ਜਸਰੂਪ ਕੋਰ ਆਈ.ਪੀ.ਐਸ. ਪੁਲਿਸ ਕਪਤਾਨ (ਇੰਨਵੈਸਟੀਗੇਸ਼ਨ) ਜਲੰਧਰ ਦਿਹਾਤੀ ਅਤੇ ਸ੍ਰੀ ਸੁਮਿਤ ਸੂਦ ਪੀ.ਪੀ.ਐਸ. ਉਪ ਪੁਲਿਸ ਕਪਤਾਨ, ਸਬ-ਡਵੀਜਨ ਆਦਮਪੁਰ ਦੀ ਯੋਗ ਅਗਵਾਈ ਹੇਠ ਇੰਸਪੈਕਟਰ ਰਵਿੰਦਰਪਾਲ ਸਿੰਘ ਮੁੱਖ ਅਫਸਰ ਥਾਣਾ ਆਦਮਪੁਰ ਦੀ ਪੁਲਿਸ ਵੱਲੋਂ ਕਤਲ ਕੇਸ ਦੀ ਗੁਥੀ ਨੂੰ 02 ਘੰਟੇ ਵਿੱਚ ਸੁਲਝਾ ਕੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰਕੇ ਵੱਡੀ ਸਫਲਤਾ ਹਾਸਲ ਕੀਤੀ।
ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਡਾਕਟਰ ਅੰਕੁਰ ਗੁਪਤਾ ਆਈ.ਪੀ.ਐਸ, ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ (ਦਿਹਾਤੀ) ਜੀ ਨੇ ਦੱਸਿਆ ਕਿ ਅੱਜ ਮਿਤੀ 27.04.2024 ਨੂੰ ਇੰਸਪੈਕਟਰ ਰਵਿੰਦਰਪਾਲ ਸਿੰਘ ਮੁੱਖ ਅਫਸਰ ਥਾਣਾ ਆਦਮਪੁਰ ਜਿਲ੍ਹਾ ਜਲੰਧਰ ਦਿਹਾਤੀ ਸਮੇਤ ਪੁਲਿਸ ਪਾਰਟੀ ਦੇ ਗਸ਼ਤ ਬਾ ਨਾਕਾ ਬੰਦੀ ਦੇ ਸਬੰਧ ਵਿਚ ਮੁਰਾਦਪੁਰ ਪੁਲੀ ਮੋਜੂਦ ਸੀ ਕਿ ਜਿਥੇ ਆਸ਼ਾ ਰਾਣੀ ਪਤਨੀ ਬਾਵਾ ਵਾਸੀ ਅਲਾਵਲਪੁਰ ਬਣਾ ਆਦਮਪੁਰ ਜਿਲ੍ਹਾ ਜਲੰਧਰ ਨੇ ਹਾਜਰ ਆ ਕਿ ਆਪਣਾ ਬਿਆਨ ਦਰਜ ਕਰਾਇਆ ਉਸਦਾ ਭਰਾ ਕੁਲਵਿੰਦਰ ਕੁਮਾਰ ਪੁੱਤਰ ਰਾਮ ਚੰਦ ਵਾਸੀ ਅਲਾਵਲਪੁਰ ਥਾਣਾ ਆਦਮਪੁਰ ਜਿਲ੍ਹਾ ਜਲੰਧਰ ਉਮਰ ਕ੍ਰੀਬ 35 ਸਾਲ ਜੋ ਆਪਣੇ ਘਰ ਵਿੱਚ ਇੱਕਲਾ ਹੀ ਰਹਿੰਦਾ ਸੀ ਅਤੇ ਰੋਟੀ ਪਾਣੀ ਮੇਰੇ ਘਰੋ ਹੀ ਖਾਦਾ ਸੀ। ਅੱਜ ਮਿਤੀ 27.04.2024 ਨੂੰ ਸੁਭਾ 05:30 ਜਦੋ ਉਹ ਆਪਣੇ ਜਵਾਈ ਮਦਨ ਲਾਲ ਨਾਲ ਆਪਣੇ ਭਰਾ ਕੁਲਵਿੰਦਰ ਕੁਮਾਰ ਨੂੰ ਚਾਹ ਪਾਣੀ ਦੇਣ ਲਈ ਉਸਦੇ ਘਰ ਗਈ ਤਾ ਘਰ ਵਿਚ ਕੰਧ ਅਤੇ ਜਮੀਨ ਪਰ ਖੂਨ ਡੁਲਿਆ ਪਿਆ ਸੀ, ਫਿਰ ਉਹ ਆਪਣੇ ਜਵਾਈ ਨਾਲ ਆਪਣੇ ਭਰਾ ਦੀ ਭਾਲ ਕਰਦੇ ਹੋਏ ਜਦ ਡਿਸਪੈਸਰੀ ਅਲਾਵਲਪੁਰ ਨਜਦੀਕ ਪੁੱਜੀ ਤਾ ਉਥੇ ਵਕਤ ਕ੍ਰੀਬ 5-45 AM ਡਿਸਪੈਂਸਰੀ ਦੇ ਨੇੜੇ ਨਾਲੇ ਵਿੱਚ ਸੋਨੂੰ ਪੁੱਤਰ ਲੇਟ ਓਮ ਪ੍ਰਕਾਸ਼ ਵਾਸੀ ਜੁਲਾਹਾ ਮੁੱਹਲਾ ਅਲਾਵਲਪੁਰ ਥਾਣਾ ਆਦਮਪੁਰ ਜਿਲ੍ਹਾ ਜਲੰਧਰ ਬੋਰੀ ਵਿੱਚ ਪਈ ਕਿਸੇ ਚੀਜ ਨੂੰ ਅੱਗ ਲਗਾ ਰਿਹਾ ਸੀ। ਜੋ ਸੋਨੂੰ ਉਕਤ ਉਹਨਾ ਨੂੰ ਦੇਖ ਕੇ ਮੋਕਾ ਤੋ ਭੱਜ ਗਿਆ। ਜਦ ਉਹਨਾ ਨੇ ਬੋਰੀ ਨੂੰ ਲੱਗੀ ਅੱਗ ਨੂੰ ਬੁਝਾ ਕੇ ਦੇਖਿਆ ਤਾਂ ਬੋਰੀ ਵਿੱਚੋ ਕੁਲਵਿੰਦਰ ਕੁਮਾਰ ਦੀ ਜੁਬਾੜੇ ਤੋ ਕੱਟੀ ਅੱਧ ਜਲੀ ਲਾਸ਼ ਪਈ ਸੀ ਅਤੇ ਉਸਦੇ ਪਾਸ ਹੀ ਕੁਲਵਿੰਦਰ ਕੁਮਾਰ ਦਾ ਜੁਬਾੜੇ ਤੋਂ ਕੱਟਿਆ ਹੋਇਆ ਸਿਰ ਪਿਆ ਸੀ। ਜਿਸ ਤੇ ਦੋਸ਼ੀ ਸੋਨੂੰ ਉਕਤ ਖਿਲਾਫ ਆਸ਼ਾ ਰਾਣੀ ਦੇ ਬਿਆਨ ਪਰ ਮੁਕੱਦਮਾ ਨੰਬਰ 63 ਮਿਤੀ 27.04.2024 ਅ:ਧ 302,201 ਭ:ਦ ਦਰਜ ਰਜਿਸਟਰ ਕੀਤਾ ਗਿਆ। ਜੋ ਮੋਕਾ ਪਰ ਪੁੱਜ ਕੇ ਫਰਾਸਿੰਕ ਟੀਮ ਨੂੰ ਮੋਕਾ ਪਰ ਬੁਲਾਇਆ ਗਿਆ ਅਤੇ ਲਾਸ਼ ਨੂੰ ਕਬਜਾ ਪੁਲਿਸ ਵਿੱਚ ਲੈ ਕੇ ਪੋਸਟਮਾਰਟਮ ਕਰਾਉਣ ਲਈ ਸਿਵਲ ਹਸਪਤਾਲ ਜਲੰਧਰ ਭੇਜਿਆ ਗਿਆ। ਸ੍ਰੀ ਸੁਮਿਤ ਸੂਦ ਪੀ.ਪੀ.ਐਸ. ਉਪ ਪੁਲਿਸ ਕਪਤਾਨ, ਸਬ ਡਵੀਜਨ ਆਦਮਪੁਰ ਜਿਲ੍ਹਾ ਜਲੰਧਰ ਦਿਹਾਤੀ ਜੀ ਮੋਕਾ ਪਰ ਪੁੱਜੇ ਜਿਹਨਾ ਦੀ ਅਗਵਾਈ ਵਿੱਚ ਵੱਖ-ਵੱਖ ਸਰਚ ਟੀਮਾ ਬਣਾਈਆ ਗਈਆ। ਜੋ ਦੋਸ਼ੀ ਭੱਜਣ ਦੀ ਫਰਾਕ ਵਿੱਚ ਸੀ। ਦੋਸ਼ੀ ਨੂੰ ਸ੍ਰੀ ਸੁਮਿਤ ਸੂਦ ਉਪ ਪੁਲਿਸ ਕਪਤਾਨ, ਸਬ ਡਵੀਜਨ ਆਦਮਪੁਰ ਜਿਲ੍ਹਾ ਜਲੰਧਰ ਦਿਹਾਤੀ ਅਤੇ ਮੁੱਖ ਅਫਸਰ ਥਾਣਾ ਆਦਮਪੁਰ ਜਿਲ੍ਹਾ ਜਲੰਧਰ ਦਿਹਾਤੀ ਜੀ ਦੀ ਟੀਮ ਵੱਲੋ ਕਾਬੂ ਕੀਤਾ ਗਿਆ। ਜੋ ਦੋਸ਼ੀ ਸੋਨੂੰ ਉਕਤ ਦੇ ਖਿਲਾਫ ਪਹਿਲਾਂ ਵੀ ਮੁਕੱਦਮਾ ਨੰ. 123 ਮਿਤੀ 19.07.2022 ਅ:ਧ 457,380 ਭ:ਦ ਥਾਣਾ ਆਦਮਪੁਰ ਜਿਲ੍ਹਾ ਜਲੰਧਰ ਦਿਹਾਤੀ ਦਰਜ ਰਜਿਸਟਰ ਸੀ। ਜਿਸ ਵਿਚ ਦੋਸ਼ੀ ਇਕ ਸਾਲ ਦੀ ਸਜਾ ਕੱਟ ਕੇ ਮਿਤੀ 29.01.2024 ਨੂੰ ਜੇਲ ਤੋਂ
ਬਾਹਰ ਆਇਆ ਸੀ। ਜੋ ਦੋਸ਼ੀ ਨੂੰ ਪੇਸ਼ ਅਦਾਲਤ ਕਰਕੇ ਇਸਦ ਪੁਲਿਸ ਰਿਮਾਡ ਹਾਸਿਲ ਕਰਕੇ ਡੂੰਘਾਈ ਨਾਲ ਜਾਂਚ ਕੀਤੀ ਜਾਵੇਗੀ।
