ਸਪੇਨ ਅਤੇ ਫਰਾਂਸ ਤੋਂ ਬਾਅਦ ਹੁਣ ਵਾਰੀ ਇਟਲੀ ਦੀ – ਫ਼ਤਿਹਗੜ/ਬੋਦਲ/ਅਟਵਾਲ
ਪੈਰਿਸ, (PRIME INDIAN NEWS) :- ਲੋਕਤੰਤਰ ਵਿੱਚ ਹਰੇਕ ਪਾਰਟੀ ਨੁੰ ਆਪੋ ਆਪਣੇ ਤਰੀਕੇ ਨਾਲ ਪਾਸਾਰ ਕਰਨ ਦਾ ਅਧਿਕਾਰ ਹੈ ਅਤੇ ਇਸਦਾ ਲਾਭ ਪਾਰਟੀਆਂ ਪ੍ਰਾਪਤ ਵੀ ਕਰਦੀਆਂ ਹਨ, ਦੇ ਤਹਿਤ ਯੂਰਪੀਅਨ ਸ਼੍ਰੋਮਣੀ ਅਕਾਲੀ ਦੇ ਨੇਤਾ ਵੀ ਕ੍ਰਮਵਾਰ ਜਗਵੰਤ ਸਿੰਘ ਲਹਿਰਾ, ਲਖਵਿੰਦਰ ਸਿੰਘ ਡੋਗਰਾਂ ਵਾਲ, ਜਥੇਦਾਰ ਗੁਰਚਰਨ ਸਿੰਘ ਭੁੰਗਰਨੀ, ਜਗਜੀਤ ਸਿੰਘ ਫ਼ਤਿਹਗੜ੍ਹ, ਹਰਦੀਪ ਸਿੰਘ ਬੋਦਲ, ਲਾਭ ਸਿੰਘ ਭੰਗੂ, ਯੂਥ ਨੇਤਾ ਜਸਪ੍ਰੀਤ ਸਿੰਘ ਅਟਵਾਲ, ਸੁਰਜੀਤ ਸਿੰਘ ਮਾਣਾ, ਗੋਨਾ ਸਿੰਘ ਆਦਿ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਸਰਦਾਰ ਸੁਖਬੀਰ ਸਿੰਘ ਜੀ ਬਾਦਲ ਦੇ ਦਿਸ਼ਾ ਨਿਰਦੇਸ਼ਾਂ ਹੇਠ, ਯੂਰਪ ਦੇ ਮੁੱਖੀ ਇਕਬਾਲ ਸਿੰਘ ਭੱਟੀ ਪੰਜਾਬੀਆਂ ਨੁੰ ਪ੍ਰੇਰਿਤ ਕਰਕੇ ਸ਼੍ਰੋਮਣੀ ਅਕਾਲੀ ਦਲ ਵਿੱਚ ਸ਼ਮੂਲੀਅਤ ਕਰਵਾ ਰਹੇ ਹਨ।
ਸਪੇਨ ਤੋਂ 16 ਅਤੇ ਫਰਾਂਸ ਤੋਂ ਕਰੀਬਨ 42 ਮੈਂਬਰ ਸ਼੍ਰੋਮਣੀ ਅਕਾਲੀ ਦਲ ਵਿੱਚ ਪਿਛਲੇ 6 ਮਹੀਨਿਆਂ ਦੇ ਅੰਦਰ ਅੰਦਰ ਸ਼ਮੂਲੀਅਤ ਕਰ ਚੁੱਕੇ ਹਨ। ਹੁਣ ਅਗਲਾ ਪੜਾਅ ਇਟਲੀ ਮਿਥਿਆ ਗਿਆ ਹੈ, ਜਿਸਦੀਆਂ ਤਿਆਰੀਆਂ ਲਹਿਰਾ ਸਾਹਿਬ ਨੇ ਆਪਣੇ ਸਾਥੀਆਂ, ਡੋਗਰਾਂ ਵਾਲ,ਜਥੇਦਾਰ ਭੁੰਗਰਨੀ, ਫ਼ਤਿਹਗੜ੍ਹ,ਬੋਦਲ ਸਾਹਿਬ, ਮਾਸਟਰ ਅਵਤਾਰ ਸਿੰਘ ਅਤੇ ਮਠਾਰੂ ਸਾਹਿਬ ਦੇ ਸਹਿਯੋਗ ਨਾਲ ਸ਼ੁਰੂ ਕਰ ਦਿੱਤੀਆਂ ਹਨ।
