ਜਲੰਧਰ ਛਾਉਣੀ, ਐਚ ਐਸ ਚਾਵਲਾ। ਵਾਲਮੀਕਿ ਮੰਦਿਰ ਨੂੰ ਕੰਟੋਨਮੈਂਟ ਬੋਰਡ ਵੱਲੋਂ ਭੇਜੇ ਨੋਟਿਸ ਦੇ ਵਿਰੋਧ ’ਚ ਅੱਜ ਨਵਯੁਵਕ ਵਾਲਮੀਕਿ ਸਭਾ ਹੈੱਡਕੁਆਰਟਰ ਜਲੰਧਰ ਛਾਉਣੀ ਦੇ ਪ੍ਰਧਾਨ ਭਾਰਤ ਬੱਤਰਾ ਦੀ ਅਗਵਾਈ ਹੇਠ ਵਾਲਮੀਕਿ ਭਾਈਚਾਰੇ ਨੇ ਬੋਰਡ ਦੇ ਸੀ.ਈ.ਓ ਰਾਮ ਸਵਰੂਪ ਹਰਿਤਵਾਲ ਨਾਲ ਮੁਲਾਕਾਤ ਕੀਤੀ ਅਤੇ ਨੋਟਿਸ ਦਾ ਜਵਾਬ ਦਿੱਤਾ। ਇਸ ਦੌਰਾਨ ਨੋਟਿਸ ਦੇ ਜਵਾਬ ਦੇ ਨਾਲ ਬੋਰਡ ਰੈਜੂਲੇਸ਼ਨ ਦੀ ਕਾਪੀ ਵੀ ਰੱਖੀ ਗਈ। ਇਸ ਦੇ ਨਾਲ ਹੀ ਸਮਾਜ ਨੇ ਬੋਰਡ ਪ੍ਰਸ਼ਾਸਨ ਨੂੰ ਚਿਤਾਵਨੀ ਦਿੰਦਿਆਂ ਕਿਹਾ ਕਿ ਨੋਟਿਸ ਭੇਜ ਕੇ ਮੰਦਰ ਦੀ ਪਵਿੱਤਰਤਾ ਦੇ ਨਾਲ-ਨਾਲ ਵਾਲਮੀਕਿ ਸਮਾਜ ਦੀਆਂ ਭਾਵਨਾਵਾਂ ਨੂੰ ਵੀ ਠੇਸ ਪਹੁੰਚਾਈ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਭਵਿੱਖ ਵਿੱਚ ਦੁਬਾਰਾ ਅਜਿਹਾ ਕੁਝ ਹੋਇਆ ਤਾਂ ਪ੍ਰਸ਼ਾਸਨ ਤੋਂ SC, ST ਐਕਟ ਤਹਿਤ ਜ਼ਿੰਮੇਵਾਰ ਅਧਿਕਾਰੀ ਵਿਰੁੱਧ ਕਾਰਵਾਈ ਦੀ ਮੰਗ ਕੀਤੀ ਜਾਵੇਗੀ। ਇਸ ਮੌਕੇ ਭਾਰਤ ਬੱਤਰਾ, ਸ਼ੋਭਾ ਰਾਮ ਅਟਵਾਲ, ਅਸ਼ੋਕ ਗਿੱਲ, ਲਾਡੀ ਸਰਵਟੇ, ਰਾਕੇਸ਼ ਅਟਵਾਲ, ਪੰਡਿਤ ਰੋਸ਼ਨ ਲਾਲ, ਬੀਰਬਲ ਬਰੂਟ, ਕੇਵਲ ਬੱਤਰਾ ਆਦਿ ਹਾਜ਼ਰ ਸਨ।
