ਜਲੰਧਰ, ਐਚ ਐਸ ਚਾਵਲਾ। ਸ੍ਰੀ ਹਰਵਿੰਦਰ ਸਿੰਘ ਵਿਰਕ, ਪੀ.ਪੀ.ਐਸ. ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ ਦਿਹਾਤੀ ਜੀ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਅਤੇ ਮਾਣਯੋਗ DGI ਸਾਹਿਬ ਦੇ ਏਜੰਡੇ ਅਨੁਸਾਰ ਸਮਾਜ ਵਿਰੋਧੀ ਭੈੜੇ ਅਨਸਰਾਂ ਦੇ ਖਿਲਾਫ ਸਪੈਸ਼ਲ ਮੁੰਹਿਮ ਚਲਾਈ ਹੋਈ ਹੈ। ਇਸ ਮੁਹਿੰਮ ਦੇ ਤਹਿਤ ਕਾਰਵਾਈ ਕਰਦਿਆਂ ਸ੍ਰੀ ਸਰਬਜੀਤ ਸਿੰਘ ਰਾਏ ਐਸ.ਪੀ (ਡੀ) ਅਤੇ ਸ੍ਰੀ ਇੰਦਰਜੀਤ ਸਿੰਘ ਡੀ.ਐਸ.ਪੀ (ਡੀ) ਸਾਹਿਬ ਜਲੰਧਰ ਦਿਹਾਤੀ ਜੀ ਦੀ ਅਗਵਾਈ ਹੇਠ INSP ਪੁਸ਼ਪ ਬਾਲੀ ਇੰਚਾਰਜ CIA ਸਟਾਫ ਜਲੰਧਰ ਦਿਹਾਤੀ ਦੀ ਟੀਮ SI ਨਿਰਮਲ ਸਿੰਘ CIA ਸਟਾਫ ਜਲੰਧਰ ਦਿਹਾਤੀ ਤੇ ਸਾਥੀ ਕਰਮਚਾਰੀਆਂ ਵਲੋਂ 55 ਗ੍ਰਾਮ ਸਮੈਕ ਬਰਾਮਦ ਕਰਨ ਵਿੱਚ ਵੱਡੀ ਸਫਲਤਾ ਹਾਸਲ ਕੀਤੀ ਹੈ।
ਸ੍ਰੀ ਉਂਕਾਰ ਸਿੰਘ ਬਰਾੜ ਪੀ.ਪੀ.ਐਸ. ਉਪ ਪੁਲਿਸ ਕਪਤਾਨ, ਜਲੰਧਰ ਦਿਹਾਤੀ ਜੀ ਨੇ ਦੱਸਿਆ ਕਿ ਮਿਤੀ 06,10.2025 ਨੂੰ SI ਨਿਰਮਲ ਸਿੰਘ CIA ਸਟਾਫ ਜਲੰਧਰ ਦਿਹਾਤੀ ਨੇ ਸਮੇਤ ਸਾਥੀ ਕਰਮਚਾਰੀਆਂ ਨੇ ਰੇਲਵੇ ਕਰਾਸਿੰਗ ਮਹਿਤਪੁਰ ਰੋਡ ਨਕੋਦਰ ਮੌਜੂਦ ਸੀ ਕਿ SI ਨਿਰਮਲ ਸਿੰਘ ਨੂੰ ਇੱਕ ਦੇਸ਼ਸੇਵਕ ਨੇ ਇਤਲਾਹ ਦਿੱਤੀ ਕਿ ਹਰਮੇਸ਼ ਸਿੰਘ ਉਰਫ ਮੇਸ਼ੀ ਪੁੱਤਰ ਗੁਰਲਾਲ ਸਿੰਘ ਵਾਸੀ ਪਿੰਡ ਬੂਟ ਥਾਣਾ ਸੁਭਾਨਪੁਰ ਜਿਲਾ ਕਪੂਰਥਲਾ ਜੋ ਨਸ਼ੀਲੇ ਪਦਾਰਥ ਦੀ ਖੇਪ ਲੈ ਕੇ ਗੱਡੀ ਨੰਬਰੀ PB08-EC-2900 ਮਾਰਕਾ ਸਵਿਫਟ ਡਿਜਾਇਰ ਪਰ ਮਹਿਤਪੁਰ ਤੋਂ ਨਕੋਦਰ ਨੂੰ ਆ ਰਿਹਾ ਹੈ ਜੋ SI ਨਿਰਮਲ ਸਿੰਘ ਨੇ ਨਾਕਾਬੰਦੀ ਕਰਕੇ ਚੈਕਿੰਗ ਸ਼ੁਰੂ ਕੀਤੀ ਤਾਂ ਉਕਤ ਨੰਬਰੀ ਗੱਡੀ ਪੁਲਿਸ ਦੀ ਨਾਕਾਬੰਦੀ ਨੂੰ ਦੇਖ ਕੇ ਬੜੀ ਤੇਜੀ ਨਾਲ ਪਿੱਛੇ ਨੂੰ ਮੁੜੀ। ਜੋ ਗੱਡੀ ਨੰਬਰੀ PB08-EC-2900 ਮਾਰਕਾ ਸਵਿਫਟ ਡਿਜਾਇਰ ਦਾ SI ਨਿਰਮਲ ਸਿੰਘ ਅਤੇ ਉਸਦੀ ਟੀਮ ਵਲੋਂ ਸਰਕਾਰੀ ਗੱਡੀ ਸਕਾਰਪਿਓ ਨਾਲ ਪਿੱਛਾ ਕੀਤਾ ਗਿਆ ਜੋ ਨਕੋਦਰ ਤੋਂ ਵੱਖ ਵੱਖ ਪਿੰਡਾ ਦੇ ਰਸਤੇ ਤਲਵੰਡੀ ਸੰਘੋੜਾ,ਸਾਦਕਪੁਰ, ਢੰਡੋਵਾਲ ਤੋਂ ਸ਼ਾਹਕੋਟ ਤੋਂ ਦੁਸਹਿਰਾ ਗਰਾਉਂਡ ਨਜਦੀਕ ਤੋਂ ਗੱਡੀ ਨੂੰ ਕਾਬੂ ਕੀਤਾ ਜੋ ਗੱਡੀ ਚਾਲਕ ਗੱਡੀ ਛੱਡ ਕੇ ਭੱਜਣ ਵਿੱਚ ਕਾਮਯਾਬ ਹੋ ਗਿਆ, ਜਿਸਦਾ ਨਾਮ ਪਤਾ ਤਸਦੀਕ ਕੀਤਾ ਅਤੇ ਗੱਡੀ ਦੀ ਤਲਾਸ਼ੀ ਕਰਨ ਤੇ ਡੈਸ਼ਬੋਰਡ ਵਿੱਚ 55 ਗ੍ਰਾਮ ਸਮੈਕ ਅਤੇ ਮੋਬਾਇਲ ਫੋਨ ਬਰਾਮਦ ਕਰਨ ਵਿੱਚ ਸਫਲਤਾ ਹਾਸਲ ਹੋਈ ਹੈ।
ਇਸੇ ਤਰ੍ਹਾਂ ਪੁਲਿਸ ਵਲੋਂ ਮਾੜੇ ਅਨਸਰਾਂ ਖਿਲਾਫ ਲਗਾਤਾਰ ਕਾਰਵਾਈ ਕੀਤੀ ਜਾ ਰਹੀ ਹੈ। ਦੋਸ਼ੀ ਨੂੰ ਮੁਕੱਦਮਾਂ ਹਜਾ ਵਿੱਚ ਨਾਮਜਦ ਕਰਕੇ ਵੱਖ ਵੱਖ ਟੀਮਾ ਦਾ ਗਠਨ ਕਰਕੇ ਉਸਦੀ ਭਾਲ ਜਾਰੀ ਹੈ ਜਿਸਨੂੰ ਜਲਦ ਤੋਂ ਜਲਦ ਗ੍ਰਿਫਤਾਰ ਕਰਕੇ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾਵੇਗੀ। ਦੋਸ਼ੀ ਖਿਲਾਫ ਪਹਿਲਾਂ ਵੀ ਮੁਕੱਦਮੇ ਦਰਜ ਹਨ।
ਦੋਸ਼ੀ ਦਾ ਨਾਮ : ਗੁਰਲਾਲ ਸਿੰਘ ਵਾਸੀ ਪਿੰਡ ਬੂਟ ਥਾਣਾ ਸੁਭਾਨਪੁਰ ਜਿਲਾ ਕਪੂਰਥਲਾ
ਦਰਜ ਮੁਕੱਦਮਾ ਨੰਬਰ: FIR ਨੰਬਰ 221 ਮਿਤੀ 06.10.2025 ਜੁਰਮ 21B-61-85 NDPS ਐਕਟ ਥਾਣਾ ਸ਼ਾਹਕੋਟ
ਬ੍ਰਾਮਦਗੀ:- 55 ਗ੍ਰਾਮ ਸਮੈਕ , ਕਾਰ ਨੰਬਰੀ PB08-EC-2900 ਮਾਰਕਾ ਸਵਿਫਟ ਡਿਜਾਇਰ , ਮੋਬਾਇਲ ਫੋਨ ਮਾਰਕਾ ਵੀਵੋ
