ਜਲੰਧਰ, ਐਚ ਐਸ ਚਾਵਲਾ। ਸਿੱਖਿਆ ਦੇ ਖੇਤਰ ਵਿੱਚ ਯੋਗਦਾਨ ਪਾਉਣ ਵਾਲੇ ਕਰਨਲ ਜਸਦੀਪ ਸੰਧੂ ਦਾ ਪੰਜਾਬ ਦੇ ਰਾਜਪਾਲ ਗੁਲਾਬ ਚੰਦ ਕਟਾਰੀਆ ਵਲੋਂ ਇੱਕ ਸਮਾਗਮ ਦੌਰਾਨ ਸਨਮਾਨ ਕੀਤਾ ਗਿਆ।
ਗੌਰਤਲਬ ਹੈ ਕਿ ਕਰਨਲ ਜਸਦੀਪ ਸੰਧੂ ਜਲੰਧਰ ਵਿੱਚ ਇੱਕ ਜਾਣਿਆ-ਪਛਾਣਿਆ ਚਿਹਰਾ ਹਨ, ਜਿਨ੍ਹਾਂ ਨੂੰ ਜਲੰਧਰ ਆਰਮੀ ਹੈਡਕੁਆਰਟਰ ਵਿੱਚ ਤਿੰਨ ਵਾਰ ਬਹੁਤ ਮਹੱਤਵਪੂਰਨ ਅਹੁਦਿਆਂ ‘ਤੇ ਤਾਇਨਾਤ ਕੀਤਾ ਗਿਆ। ਉਹ ਜਲੰਧਰ ਦੇ ਹੀ ਵਸਨੀਕ ਹਨ ਅਤੇ ਉਨ੍ਹਾਂ ਨੇ ਜਲੰਧਰ ਲਈ ਕਈ ਵਿਕਾਸ ਕਾਰਜਾਂ ਵਿੱਚ ਮਦਦ ਕੀਤੀ। ਉਹ ਦੋ ਵਾਰ ਛਾਉਣੀ ਬੋਰਡ ਦਾ ਮੈਂਬਰ ਵੀ ਰਹਿ ਚੁੱਕੇ ਹਨ। ਉਹਨਾਂ ਦੇ ਪਿਤਾ ਅਤੇ ਦਾਦਾ ਜੀ ਪ੍ਰਸਿੱਧ ਸਿਵਲ ਸੇਵਕ (Civil Servant) ਸਨ, ਜਿਨ੍ਹਾਂ ਨੇ ਪੰਜਾਬ ਅਤੇ ਖਾਸ ਕਰਕੇ ਦੋਆਬਾ ਖੇਤਰ ਦੇ ਵਿਕਾਸ ਵਿੱਚ ਬਹੁਤ ਯੋਗਦਾਨ ਪਾਇਆ ਹੈ।
ਕਰਨਲ ਜਸਦੀਪ ਸੰਧੂ ਸਿੱਖਾਂ ਦੀ ਮਸ਼ਹੂਰ “ਕਨਹੀਆ ਮਿਸਲ” ਦੇ ਸਰਦਾਰ ਜੈ ਸਿੰਘ ਸੰਧੂ ਦੇ ਵੰਸ਼ਜ ਹਨ, ਜਿਨ੍ਹਾਂ ਨੇ ਮਹਾਰਾਜਾ ਰਣਜੀਤ ਸਿੰਘ ਦੇ ਨਾਲ ਕਈ ਲੜਾਈਆਂ ਲੜੀਆਂ ਸਨ। ਕਰਨਲ ਜਸਦੀਪ ਸੰਧੂ ਸ਼ਾਇਦ ਇਕਲੌਤੇ ਅਧਿਕਾਰੀ ਹਨ, ਜਿਨ੍ਹਾਂ ਨੂੰ ਆਪਣੇ 42 ਸਾਲਾਂ ਦੇ ਫੌਜੀ ਕਾਰਜਕਾਲ ਵਿੱਚ ਰਹਿੰਦੇ ਹੋਏ ਪੰਜਾਬ ਰਾਜ ਤੋਂ ਸਟੇਟ ਅਵਾਰਡੀ ਹੋਣ ਦਾ ਮਾਣ ਪ੍ਰਾਪਤ ਹੈ। ਉਨ੍ਹਾਂ ਨੂੰ ਤਿੰਨ ਵਾਰ-ਹਰਿਆਣਾ, ਤਿੰਨ ਵਾਰ-ਚੰਡੀਗੜ੍ਹ ਯੂਨੀਅਨ, ਤਿੰਨ ਵਾਰ-ਹਿਮਾਚਲ ਏਟ ਇੱਕ ਵਾਰ-ਵਿਸ਼ਵ ਪੰਜਾਬੀ ਸੰਗਠਨ ਤੋਂ ਇਲਾਵਾ ਪੰਜਾਬ ਸ਼ਾਨ ਵਰਗੇ ਕਈ ਹੋਰ ਸਿਵਲ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ।
ਇਥੇ ਦੱਸਣਾ ਜਰੂਰੀ ਹੈ ਕਿ ਕਰਨਲ ਜਸਦੀਪ ਸੰਧੂ ਇਕਲੌਤੇ ਅਧਿਕਾਰੀ ਹਨ, ਜਿਨ੍ਹਾਂ ਨੇ ਸਿਵਲ ਮਿਲਟਰੀ ਅਫੇਅਰਜ਼ (ਬਾਅਦ ਵਿੱਚ ਮਿਲਟਰੀ ਸਿਵਲ ਫਿਊਜ਼ਨ ਵਜੋਂ ਨਾਮ ਦਿੱਤਾ ਗਿਆ) ਅਤੇ ਪੱਛਮੀ ਕਮਾਂਡ-ਐਨਡੀ ਵਿੱਚ ਸਾਂਝੇ ਆਪ੍ਰੇਸ਼ਨਾਂ ਦੀ ਅਗਵਾਈ ਕੀਤੀ ਹੈ, ਨਾਲ ਹੀ ਦੱਖਣ ਪੱਛਮੀ ਕਮਾਂਡ ਅਤੇ ਆਰਮੀ ਟ੍ਰੇਨਿੰਗ ਕਮਾਂਡ ਵਿੱਚ ਸਲਾਹਕਾਰ ਅਤੇ ਪ੍ਰਿੰਸੀਪਲ ਡਾਇਰੈਕਟਰ ਵਜੋਂ 11 ਸਾਲਾਂ ਤੱਕ ਲਗਾਤਾਰ ਸੇਵਾ ਨਿਭਾਈ ਹੈ ਜੋ ਕਿ ਆਪਣੇ ਆਪ ਵਿੱਚ ਇੱਕ ਰਿਕਾਰਡ ਹੈ।
ਇਸ ਤੋਂ ਇਲਾਵਾ ਇਸ ਅਹੁਦੇ ਕਾਰਨ, ਉਹ Ex-Officio ਸਿਵਲ ਮਿਲਟਰੀ ਸਲਾਹਕਾਰ ਰਹੇ ਅਤੇ ਉਨ੍ਹਾਂ ਨੇ CM ਪੰਜਾਬ, CM ਹਰਿਆਣਾ, CM ਹਿਮਾਚਲ ਅਤੇ CM ਚੰਡੀਗੜ ਦੇ ਸਲਾਹਕਾਰ ਵਜੋਂ ਵੀ 11 ਸਾਲ ਕੰਮ ਕੀਤਾ।
