PRIME INDIAN NEWS✍️H S CHAWLA
ਬੀਤੇ ਦਿਨ ਮਿਤੀ 08 ਅਗਸਤ 2026 ਨੂੰ ਸਾਬਕਾ ਸੈਨਿਕਾਂ ਵਲੋਂ ਜੰਤਰ ਮੰਤਰ ਦਿੱਲੀ ਵਿਖੇ ਸਰਕਾਰ ਵਿਰੁੱਧ ਧਰਨਾ ਲਗਾਇਆ ਗਿਆ, ਜਿਸ ਵਿਚ ਪੂਰੇ ਪੰਜਾਬ ਤੋਂ ਵੱਡੀ ਗਿਣਤੀ ਵਿੱਚ ਵੱਖ ਵੱਖ ਜਥੇਬੰਦੀਆਂ ਨੇ ਬੜੇ ਜੋਸ਼ ਨਾਲ ਸ਼ਿਰਕਤ ਕੀਤੀ।
ਇਸ ਸਬੰਧੀ ਮੀਡੀਆ ਨੂੰ ਜਾਣਕਾਰੀ ਦਿੰਦੇ ਹੋਏ ਸ. ਰਾਜਿੰਦਰ ਸਿੰਘ, ਮੀਡਿਆ ਇੰਚਾਰਜ, ਸਾਬਕਾ ਸੈਨਿਕ ਸਰਬ ਸਾਂਝੀ ਕਮੇਟੀ, ਜਲੰਧਰ ਨੇ ਦੱਸਿਆ ਕਿ ਧਰਨੇ ਦੌਰਾਨ ਵੱਖ ਵੱਖ ਬੁਲਾਰਿਆਂ ਨੇ ਕਈ ਅਹਿਮ ਮਸਲਿਆਂ ਤੇ ਸਰਕਾਰ ਵਲੋਂ ਕੀਤੀਆਂ ਜਾ ਰਹੀਆਂ ਜਿਆਦਤੀਆਂ ਉਤੇ ਚਾਨਣਾ ਪਾਇਆ।
ਜਿਸ ਵਿਚ ਅਹਿਮ ਮੁਦੇ ਸਨ:👇
* ਫੌਜ ਵਿਚ ਅਗਨੀ ਵੀਰ ਦੀ ਭਰਤੀ ਖਤਮ ਕਰਕੇ ਪਹਿਲਾਂ ਵਾਂਗ ਭਾਰਤੀ ਕੀਤੀ ਜਾਵੇ।
* ਇਕ ਰੈਂਕ ਇਕ ਪੈਨਸ਼ਨ ਦੀਆਂ ਤਰੁਟੀਆਂ ਪੂਰੀਆਂ ਕੀਤੀਆਂ ਜਾਣ।
* ਪਹਿਲੇ ਪੇ ਕਮਿਸ਼ਨਾਂ ਵਿਚ ਅਫ਼ਸਰ ਅਤੇ ਥਲੇ ਵਾਲੇ ਰੈਂਕਾਂ ਦੀ ਤਨਖਾਹ ਵਿਚ ਬਹੁਤ ਵੱਡਾ ਫਰਕ ਰੱਖਿਆ ਗਿਆ ਸੀ ਹੁਣ, ਅੱਠਵੇਂ ਪੇ ਕਮਿਸ਼ਨ ਵਿਚ ਜਵਾਨਾਂ ਨਾਲ ਇਨਸਾਫ਼ ਕੀਤਾ ਜਾਵੇ।
* ਜਵਾਨਾਂ ਦੇ ਦਿਤੇ ਸੁਝਾਵ ਮਨੇ ਜਾਣ। ਐਮ ਐਸ ਪੀ ਸਾਰੇ ਰੇਂਕਾ ਨੂੰ ਦਿਤੀ ਜਾਵੇ ਨਾਕਿ ਅਫਸਰਾਂ ਨੂੰ ਹੀ।
* ਡਿਸੇਬਲਟੀ ਪੇ ਅਫ਼ਸਰ ਹੋਵੇ ਜਾ ਜਵਾਨ ਸਭ ਨੂੰ ਬਰਾਬਰ ਮਿਲਣੀ ਚਾਹੀਦੀ ਹੈ।
*ਪੈਨਸ਼ਨ ਵਿਚ 20% ਦੀ ਬੜਤ 70 ਸਾਲ ਦੀ ਉਮਰ ਤੋਂ ਹੋਵੇ ਨਾ ਕਿ 80 ਸਾਲ ਤੋਂ।
* ਸਾਬਕਾ ਸੈਨਿਕਾਂ ਨੂੰ ਟੋਲ ਪਲਾਜ਼ਾ ਮਾਫ ਹੋਣਾ ਚਾਹੀਦਾ ਹੈ।
* ਸ਼ਹੀਦ ਦੀ ਵਿਧਵਾ ਦੀ ਪੈਨਸ਼ਨ ਵਿਚ ਹਰ ਪੰਜ ਸਾਲ ਬਾਦ ਬੜੋਤਰੀ ਹੋਵੇ। ਸ਼ਹੀਦ ਦੇ ਬੱਚਿਆਂ ਨੂੰ ਵੀ ਪੈਨਸ਼ਨ ਮਿਲਣੀ ਚਾਹੀਦੀ ਹੈ।
ਸ. ਰਾਜਿੰਦਰ ਸਿੰਘ, ਮੀਡਿਆ ਇੰਚਾਰਜ, ਨੇ ਦੱਸਿਆ ਕਿ ਉਪਰੋਕਤ ਮੰਗਾਂ ਦਾ ਮੈਮੋਰੰਡਮ ਸਰਕਾਰ ਨੂੰ ਭੇਜਿਆ ਗਿਆ ਹੈ। ਸਰਕਾਰ ਕੀ ਕਾਰਵਾਈ ਕਰਦੀ ਹੈ ਦੇਖਣ ਤੋਂ ਬਾਦ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਜਦੋਂ ਵੀ ਸਾਬਕਾ ਸੈਨਿਕਾਂ ਨੂੰ ਬੁਲਾਇਆ ਜਾਂਦਾ ਹੈ ਤਾਂ ਸਾਰੇ ਜਰੂਰ ਪਹੁੰਚਣ ਦੀ ਕਿਰਪਾਲਤਾ ਕਰਨ। ਅੰਤ ਵਿਚ ਇਸ ਮੌਕੇ ਆਏ ਆਏ ਸਾਥੀਆਂ ਦਾ ਧੰਨਵਾਦ ਕਰਦੇ ਹੋਏ ਧਰਨੇ ਦੀ ਸਮਾਪਤੀ ਹੋਈ।
