ਜਲੰਧਰ, ਐਚ ਐਸ ਚਾਵਲਾ। ਸ੍ਰੀ ਹਰਵਿੰਦਰ ਸਿੰਘ, ਪੀ.ਪੀ.ਐਸ ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ ਦਿਹਾਤੀ ਜੀ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਸਮਾਜ ਦੇ ਭੈੜੇ ਅਨਸਰਾਂ/ ਨਸ਼ਾ ਤਸਕਰਾਂ/ ਲੁੱਟਾਂ ਖੋਹਾਂ ਕਰਨ ਵਾਲਿਆਂ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿੰਮ ਤਹਿਤ ਸ੍ਰੀ ਸਰਬਜੀਤ ਰਾਏ, ਆਈ.ਪੀ.ਐੱਸ. ਪੁਲਿਸ ਕਪਤਾਨ ਇੰਨਵੈਸਟੀਗੇਸ਼ਨ ਜਲੰਧਰ ਦਿਹਾਤੀ, ਸ੍ਰੀ ਸੁਖਪਾਲ ਸਿੰਘ, ਉਪ-ਪੁਲਿਸ ਕਪਤਾਨ ਸਬ-ਡਵੀਜਨ ਨਕੋਦਰ ਜੀ ਦੀ ਅਗਵਾਈ ਹੇਠ ਇੰਸਪੈਕਟਰ ਅਮਨ ਸੈਣੀ, ਮੁੱਖ ਅਫਸਰ ਥਾਣਾ ਸਿਟੀ ਨਕੋਦਰ ਦੀ ਪੁਲਿਸ ਵਲੋਂ ਪਿਛਲੇ ਦਿਨੀ ਘਰ ਵਿੱਚ ਦਾਖਲ ਹੋ ਕੇ ਔਰਤ ਪਾਸੇ ਸੋਨੇ ਦੇ ਗਹਿਣੇ ਤੇ ਪੈਸਿਆ ਦੀ ਖੋਹ ਕਰਨ ਵਾਲੇ ਦੋ ਵਿਅਕਤੀਆ ਨੂੰ ਗ੍ਰਿਫਤਾਰ ਕਰਨ ਵਿਚ ਸਫਲਤਾ ਹਾਸਿਲ ਕੀਤੀ ਹੈ
ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਸ੍ਰੀ ਸੁਖਪਾਲ ਸਿੰਘ ਡੀ.ਐਸ.ਪੀ ਸਬ ਡਵੀਜਨ ਨਕੋਦਰ ਨੇ ਦੱਸਿਆ ਕਿ ਬਰਬਿਆਨ ਸੁਰਜੀਤ ਕੌਰ ਪਤਨੀ ਲੇਟ ਲਾਲ ਸਿੰਘ ਖਹਿਰਾ ਸੁੰਦਰ ਨਗਰ ਬੈਕ ਸਾਇਡ ਜਿੰਮੀ ਪੈਲੇਸ ਨਕੋਦਰ ਥਾਣਾ ਸਿਟੀ ਨਕੋਦਰ ਜਿਲਾ ਜਲੰਧਰ ਕਿ ਮਿਤੀ 03-04-2025 ਦੀ ਦਰਮਿਆਨੀ ਰਾਤ ਨੂੰ ਕਰੀਬ 12:15 AM ਨੂੰ ਇਕਦਮ ਉਸਦੇ ਘਰ ਦੇ ਵਿਹੜੇ ਵਿੱਚ ਖੜਕੇ ਦੀ ਅਵਾਜ ਆਈ ਤਾ ਉਸਨੇ ਦੇਖਿਆ ਤਾਂ ਮੇਰੀ ਲੇਬੀ ਤਾ ਦਰਵਾਜਾ ਖੁੱਲਾ ਹੋਇਆ ਸੀ ਤਾ ਸਾਹਮਣੇ ਵਿਹੜੇ ਵਿੱਚ ਦੋ ਮੋਨੇ ਨੌਜਵਾਨ ਜਿਹਨਾ ਦੇ ਹੱਥਾ ਵਿੱਚ ਦਾਤਰ ਫੜੇ ਹੋਏ ਸੀ ਤੇ ਉਸਨੂੰ ਫੜ ਕੇ ਦਾਤਰ ਦੀ ਨੋਕ ਪਰ ਉਸਦੇ ਕੰਨਾ ਵਿੱਚ ਪਹਿਨੇ ਹੋਏ ਸੋਨੇ ਦੇ ਕਾਂਟੇ, ਸੋਨੇ ਦੀ ਚੈਨ, ਹੱਥ ਵਿੱਚ ਪਹਿਨੀਆ ਹੋਈਆ 04 ਮੁੰਦਰੀਆ ਅਤੇ ਹੱਥ ਵਿੱਚ ਪਹਿਨਿਆ ਹੋਇਆ ਕੜਾ ਸੋਨਾ ਤੇ ਅਲਮਾਰੀ ਵਿੱਚੋ 02 ਮੁੰਦਰੀਆ ਸੋਨਾ, ਚਾਂਦੀ ਦੇ ਗਹਿਣੇ, 04 ਘੜੀਆ, 02 ਜੋੜੇ ਟੋਪਸ ਸੋਨਾ, 02 ਜੋੜੇ ਵਾਲੀਆ ਸੋਨਾ ਅਤੇ 45 ਹਜਾਰ ਰੁਪਏ ਲੁੱਟ ਕੇ ਫਰਾਰ ਹੋ ਗਏ। ਜਿਸਤੇ ਨਾਮਾਲੂਮ ਵਿਅਕਤੀਆ ਖਿਲਾਫ ਮੁੱਕਦਮਾ ਨੰਬਰ 29 ਮਿਤੀ 04.04.2025 ਜੁਰਮ 305,3094),127(2),3(5) BNS ਥਾਣਾ ਸਿਟੀ ਨਕੋਦਰ ਦਰਜ ਰਜਿਸਟਰ ਕੀਤਾ ਗਿਆ । ਜੋ ਮੁੱਕਦਮਾ ਨੂੰ ਟਰੇਸ ਕਰਨ ਲਈ ਟੈਕਨੀਕਲ ਸਹਾਇਤਾ, ਸੀ.ਸੀ.ਟੀ.ਵੀ. ਫੁਟੇਜ ਅਤੇ ਆਧੁਨਿਕ ਢੰਗਾ ਨਾਲ ਤਫਤੀਸ਼ ਕਰਕੇ ਦੋਸ਼ੀਆ ਨੂੰ ਟਰੇਸ ਕੀਤਾ ਗਿਆ। ਜੋ ਦੋਸ਼ੀ ਕਰਨ ਸਿੰਘ ਉਰਫ ਕਰਨੀ ਪੁੱਤਰ ਬਲਦੇਵ ਸਿੰਘ ਵਾਸੀ ਚੱਕ ਤਾਰੇਵਾਲ ਥਾਣਾ ਧਰਮਕੋਟ ਤੇ ਸਰਬਨ ਸਿੰਘ ਉਰਫ ਅਕਾਸ਼ਦੀਪ ਪੁੱਤਰ ਸੁਰਜਨ ਸਿੰਘ ਵਾਸੀ ਕਲਹਗਿਣਾ ਹਾਲ ਵਾਸੀ ਭੂੰਦੜੀ ਥਾਣਾ ਸਿੱਧਵਾ ਬੇਟ ਨੂੰ ਨਾਮਜਦ ਕਰਕੇ ਮਿਤੀ 12.04.2025 ਨੂੰ ਗ੍ਰਿਫਤਾਰ ਕੀਤਾ ਗਿਆ । ਜਿਹਨਾ ਨੂੰ ਪੇਸ਼ ਅਦਾਲਤ ਕਰਕੇ ਪੁਲਿਸ ਰਿਮਾਡ ਹਾਸਿਲ ਕੀਤਾ ਗਿਆ। ਜੋ ਦੋਰਾਨੇ ਪੁੱਛਗਿਛ ਪਾਇਆ ਗਿਆ ਕਿ ਦੋਸ਼ੀ ਸਰਬਨ ਸਿੰਘ ਉਰਫ ਅਕਾਸ਼ਦੀਪ ਜੇ ਮੁੱਦਈ ਮੁੱਕਦਮਾ ਸੁਰਜੀਤ ਕੋਰ ਦਾ ਭਤੀਜਾ ਹੈ। ਦੋਰਾਨੇ ਪੁਲਿਸ ਰਿਮਾਡ ਦੋਸ਼ੀਆਂ ਪਾਸੋ ਲੁੱਟ ਕੀਤੇ 02 ਮੁੰਦਰੀਆ ਸੋਨਾ, 01 ਜੋੜਾ ਸੋਨਾ ਵਾਲੀਆ, 1 ਜੋੜਾ ਜੋਪਸ ਸੋਨਾ, 01 ਜੋੜਾ ਕੰਨਾ ਦੇ ਸਹਾਰੇ ਸਨਾ, 01 ਚੰਨੀ ਸਨਾ, 01 ਲੋਕਟ ਸੋਨਾ, 01 ਝਾਜਰਾ ਦਾ ਜੜਾਂ ਤੇ 02 ਘੜੀਆਂ ਬ੍ਰਾਮਦ ਕੀਤੀਆ ਹਨ। ਜਿਹਨਾ ਪਾਸੋਂ ਸਖਤੀ ਨਾਲ ਪੁਛਗਿੱਛ ਕੀਤੀ ਜਾ ਰਹੀ ਹੈ ਜਿਹਨਾ ਦਾ ਹੋਰ ਪੁਲਿਸ ਰਿਮਾਂਡ ਹਾਸਿਲ ਕੀਤਾ ਜਾ ਰਿਹਾ ਹੈ।
