ਜਲੰਧਰ, ਐਚ ਐਸ ਚਾਵਲਾ। ਸ੍ਰੀ ਗੁਰਮੀਤ ਸਿੰਘ ਪੀ.ਪੀ.ਐਸ, ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ (ਦਿਹਾਤੀ) ਜੀ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਸਮਾਜ ਦੇ ਭੈੜੇ ਅਨਸਰਾਂ ਤੇ ਨਸ਼ਾ ਤਸਕਰਾਂ ਦੇ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿੰਮ ਦੇ ਤਹਿਤ ਸ੍ਰੀਮਤੀ ਜਸਰੂਪ ਕੌਰ ਬਾਠ ਆਈ.ਪੀ.ਐਸ. ਪੁਲਿਸ ਕਪਤਾਨ, (ਇੰਨਵੈਸਟੀਗੇਸ਼ਨ) ਜਲੰਧਰ ਦਿਹਾਤੀ ਜੀ ਦੀ ਰਹਿਨਮਾਈ ਹੇਠ ਅਤੇ ਸ੍ਰੀ ਕੁਲਵੰਤ ਸਿੰਘ, ਪੀ.ਪੀ.ਐਸ, ਉਪ ਪੁਲਿਸ ਕਪਤਾਨ ਸਬ ਡਵੀਜਨ ਆਦਮਪੁਰ ਜੀ ਦੀ ਅਗਵਾਈ ਹੇਠ ਇੰਸ: ਹਰਦੇਵਪ੍ਰੀਤ ਸਿੰਘ ਮੁੱਖ ਅਫਸਰ ਥਾਣਾ ਪਤਾਰਾ ਦੀ ਪੁਲਿਸ ਪਾਰਟੀ ਨੇ ਦੌਰਾਨੇ ਗਸ਼ਤ ਇੱਕ ਦੋਸ਼ੀ ਪਾਸੋ 02 ਗ੍ਰਾਮ ਹੈਰੋਇਨ, 53 ਨਸ਼ੀਲੀਆ ਗੋਲੀਆ ਤੇ ਇੱਕ ਧੂੰਆ ਨਾਲ ਕਾਲੀ ਹੋਈ ਸਿਲਵਰ ਪੰਨੀ, ਪਾਈਪ ਸਿਲਵਰ, ਲਾਈਟਰ,ਪਾਣੀ ਦੀ ਬੋਤਲ ਦਾ ਢੱਕਣ ਬ੍ਰਾਮਦ ਕਰਕੇ ਵੱਡੀ ਸਫਲਤਾ ਹਾਸਲ ਕੀਤੀ ਹੈ।
ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਸ੍ਰੀ ਸ੍ਰੀ ਕੁਲਵੰਤ ਸਿੰਘ, ਪੀ.ਪੀ.ਐਸ, ਉਪ ਪੁਲਿਸ ਕਪਤਾਨ ਸਬ ਡਵੀਜਨ ਆਦਮਪੁਰ ਜੀ ਨੇ ਦੱਸਿਆ ਕਿ ਮਿਤੀ 11.03.2025 ਨੂੰ ਇੰਸ: ਹਰਦੇਵਪ੍ਰੀਤ ਸਿੰਘ ਮੁੱਖ ਅਫਸਰ ਥਾਣਾ ਪਤਾਰਾ ਦੀ ਇੱਕ ਪੁਲਿਸ ਪਾਰਟੀ ਜਿਸਦੇ ਇੰਨਚਾਰਜ ਐਸ.ਆਈ ਹਰਮਿੰਦਰ ਸਿੰਘ 567/ਜਲੰਧਰ ਦੌਰਾਨੇ ਗਸ਼ਤ ਦੇਖਿਆ ਇੱਕ ਵਿਅਕਤੀ ਸ਼ਮਸ਼ਾਨ ਘਾਟ ਅੰਦਰ ਬਣੇ ਕਮਰੇ ਵਿੱਚ ਸਲੈਬ ਸੀਮਿੰਟ ਪਰ ਬੈਠਾ ਦਿਖਾਈ ਦਿੱਤਾ ਜੋ ਕਮਰੇ ਦੇ ਬਾਹਰ ਲਾਈਟਰ ਚਲਾ ਕੇ ਸਿਲਵਰ ਪੰਨੀ ਤੇ ਸਿਲਵਰ ਪਾਈਪ ਨਾਲ ਧੂੰਆਂ ਮੂੰਹ ਰਾਹੀ ਖਿੱਚਣ ਲੱਗਾ ਸੀ । ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਘਬਰਾ ਕੇ ਯਕਦਮ ਸਾਰਾ ਸਮਾਨ ਸਮੇਟ ਕੇ ਇੱਕ ਲਿਫਾਫਾ ਰੰਗ ਕਾਲਾ ਵਿੱਚ ਪਾ ਕੇ ਭੱਜਣ ਲੱਗਾ ਤਾ ਐਸ.ਆਈ ਹਰਮਿੰਦਰ ਸਿੰਘ 567/ਜਲੰਧਰ ਨੇ ਸਾਥੀ ਕ੍ਰਮਚਾਰੀਆ ਦੀ ਮੱਦਦ ਨਾਲ ਉਸ ਨੂੰ ਕਾਬੂ ਕਰਕੇ ਉਸ ਦਾ ਨਾਮ ਪਤਾ ਪੁੱਛਿਆ ਜਿਸ ਨੇ ਆਪਣਾ ਨਾਮ ਪਤਾ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਪੁੱਤਰ ਮਹਿੰਦਰ ਸਿੰਘ ਵਾਸੀ ਤੱਲਣ ਥਾਣਾ ਪਤਾਰਾ ਜਿਲਾ ਜਲੰਧਰ ਦੱਸਿਆ। ਜਿਸਤੇ ਮੁਸੱਮੀ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਉਕਤ ਦੀ ਤਲਾਸ਼ੀ ਕਰਨ ਤੇ ਉਸ ਪਾਸੋ 02 ਗ੍ਰਾਮ ਹੈਰੋਇਨ, 53 ਨਸ਼ੀਲੀਆ ਗੋਲੀਆ ਤੇ ਇੱਕ ਧੂੰਆ ਨਾਲ ਕਾਲੀ ਹੋਈ ਸਿਲਵਰ ਪੰਨੀ, ਪਾਈਪ ਸਿਲਵਰ, ਲਾਈਟਰ,ਪਾਣੀ ਦੀ ਬੋਤਲ ਬ੍ਰਾਮਦ ਹੋਈ। ਜਿਸਤੇ ਮੁਸੱਮੀ ਗੁਰਪ੍ਰੀਤ ਸਿੰਘ ਉਰਫ ਗੋਪੀ ਉਕਤ ਦੇ ਖਿਲਾਫ ਮੁਕੱਦਮਾ ਨੰਬਰ 19 ਮਿਤੀ-11.03.2025 ਅ:ਧ 21 (ਏ) / 22 (ਬੀ)/27-61-85 NDPS ACT ਥਾਣਾ ਪਤਾਰਾ ਦਰਜ ਰਜਿਸਟਰ ਕਰਕੇ ਤਫਤੀਸ਼ ਅਮਲ ਵਿੱਚ ਲਿਆਦੀ ਗਈ। ਜਿਸਨੂੰ ਅੱਜ ਪੇਸ਼ ਅਦਾਲਤ ਕਰਕੇ ਰਿਮਾਂਡ ਹਾਸਲ ਕਰਕੇ ਹੋਰ ਪੁੱਛਗਿੱਛ ਕੀਤੀ ਜਾਵੇਗੀ।
