ਜਲੰਧਰ, ਐਚ ਐਸ ਚਾਵਲਾ। ਸ਼੍ਰੀ ਹਰਕਮਲ ਪ੍ਰੀਤ ਸਿੰਘ ਖੱਖ PPS, ਪੁਲਿਸ ਕਪਤਾਨ ਜਲੰਧਰ ਦਿਹਾਤੀ ਜੀ ਦੇ ਦਿਸ਼ਾ ਨਿਰਦੇਸ਼ਾਨ ਅਨੁਸਾਰ ਸਮਾਜ ਦੇ ਭੈੜੇ ਅਨਸਰਾਂ ਤੇ ਨਸ਼ਾ ਤਸਕਰਾਂ ਦੇ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿੰਮ ਦੇ ਤਹਿਤ ਸ੍ਰੀਮਤੀ ਜਸਰੂਪ ਕੌਰ ਬਾਠ ਆਈ.ਪੀ.ਐਸ. ਪੁਲਿਸ ਕਪਤਾਨ, (ਇੰਨਵੈਸਟੀਗੇਸ਼ਨ) ਜਲੰਧਰ ਦਿਹਾਤੀ ਜੀ ਦੀ ਰਹਿਨਮਾਈ ਹੇਠ ਅਤੇ ਸ੍ਰੀ ਕੁਲਵੰਤ ਸਿੰਘ, ਪੀ.ਪੀ.ਐਸ. ਉਪ ਪੁਲਿਸ ਕਪਤਾਨ ਸਬ ਡਵੀਜਨ ਆਦਮਪੁਰ ਜੀ ਦੀ ਅਗਵਾਈ ਹੇਠ ਇੰਸ: ਹਰਦੇਵਪ੍ਰੀਤ ਸਿੰਘ ਮੁੱਖ ਅਫਸਰ ਥਾਣਾ ਪਤਾਰਾ ਦੀਆਂ ਦੋ ਪੁਲਿਸ ਪਾਰਟੀਆਂ ਨੇ ਦੌਰਾਨੇ ਗਸ਼ਤ 2 ਵਿਅਕਤੀਆਂ ਪਾਸੋਂ 06 ਗਰਾਮ ਹੈਰੋਇਨ ਤੇ 210 ਨਸ਼ੀਲੀਆਂ ਗੋਲੀਆਂ ਬ੍ਰਾਮਦ ਕਰਕੇ ਵੱਡੀ ਸਫਲਤਾ ਹਾਸਲ ਕੀਤੀ ਹੈ।
ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਸ੍ਰੀ ਹਰਕਮਲਪ੍ਰੀਤ ਸਿੰਘ ਪੱਖ ਪੀ.ਪੀ.ਐਸ. ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ (ਦਿਹਾਤੀ) ਜੀ ਨੇ ਦੱਸਿਆ ਕਿ ਮਿਤੀ 01.03.2025 ਨੂੰ ਇੰਸ: ਹਰਦੇਵਪ੍ਰੀਤ ਸਿੰਘ ਮੁੱਖ ਅਫਸਰ ਥਾਣਾ ਪਤਾਰਾ ਦੀ ਇੱਕ ਪੁਲਿਸ ਪਾਰਟੀ ਜਿਸਦੇ ਇੰਨਚਾਰਜ ਏ.ਐਸ.ਆਈ ਜੀਵਨ ਕੁਮਾਰ 12/ਜਲੰਧਰ ਦੌਰਾਨ ਗਸ਼ਤ ਪਿੰਡ ਪੂਰਨਪੁਰ ਤੋ ਅਜੇ ਪਿੱਛੇ ਹੀ ਸੀ ਤਾ ਇੱਕ ਮੋਨਾ ਨੌਜਵਾਨ ਪਿੰਡ ਪੂਰਨਪੁਰ ਵਾਲੀ ਸਾਇਡ ਤੇ ਪਿੰਡ ਮੁੱਜਫਰਪੁਰ ਵਾਲੀ ਸਾਇਡ ਨੂੰ ਪੈਦਲ ਆਉਂਦਾ ਦਿਖਾਈ ਦਿੱਤਾ। ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਯਕਦਮ ਘਬਰਾ ਕੇ ਪਿੱਛੇ ਨੂੰ ਤੇਜ ਕਦਮੀ ਮੁੜਿਆ ਤਾ ਆਪਣੇ ਸੱਜੇ ਹੱਥ ਫੜੇ ਹੋਏ ਇੱਕ ਪਾਰਦਰਸ਼ੀ ਵਜਨੀ ਲਿਫਾਫੇ ਨੂੰ ਉੱਥੇ ਹੀ ਹੇਠਾ ਸੁੱਟ ਕੇ ਭੱਜਣ ਲੱਗਾ ਤਾਂ ਏ.ਐੱਸ.ਆਈ.ਜੀਵਨ ਕੁਮਾਰ ਨੇ ਸਾਥੀ ਕ੍ਰਮਚਾਰੀਆਂ ਦੀ ਮੱਦਦ ਨਾਲ ਉਸ ਨੂੰ ਕਾਬੂ ਕਰਕੇ ਉਸ ਦਾ ਨਾਮ ਪਤਾ ਪੁੱਛਿਆ ਜਿਸ ਨੇ ਆਪਣਾ ਨਾਮ ਪਤਾ ਸੰਨੀ ਕੁਮਾਰ ਪੁੱਤਰ ਸੁਰਿੰਦਰਪਾਲ ਵਾਸੀ ਪਿੰਡ ਮੁੱਜਫਰਪੁਰ ਥਾਣਾ ਪਤਾਰਾ ਜਿਲਾ ਜਲੰਧਰ ਦੱਸਿਆ। ਜਿਸਤੇ ਮੁਸੱਮੀ ਸੰਨੀ ਕੁਮਾਰ ਉਕਤ ਵੱਲੋ ਸੁੱਟ ਲਿਫਾਫੇ ਨੂੰ ਚੁੱਕ ਕੇ ਤਲਾਸ਼ੀ ਕੀਤੀ ਗਈ ਜਿਸ ਵਿੱਚੋ 03 ਗਰਾਮ ਹੈਰੋਇਨ ਤੇ 90 ਨਸ਼ੀਲੀਆਂ ਗੋਲੀਆਂ ਬ੍ਰਾਮਦ ਹੋਈਆਂ।
ਇਸੇ ਤਰਾਂ ਦੂਜੀ ਪੁਲਿਸ ਪਾਰਟੀ ਜਿਸਦੇ ਇੰਚਾਰਜ ਐਸ.ਆਈ ਹਰਮਿੰਦਰ ਸਿੰਘ 567/ਜਲੰਧਰ ਨੇ ਦੌਰਾਨੇ ਗਸ਼ਤ ਪਿੰਡ ਚਾਦਪੁਰ ਪੁੱਲੀ ਨਜਦੀਕ ਇੱਕ ਮਨ ਨੌਜਵਾਨ ਪੈਦਲ ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਯਕਦਮ ਘਬਰਾ ਕੇ ਪਿੱਛੇ ਨੂੰ ਤੇਜੀ ਨਾਲ ਮੁੜ ਕੇ ਭੱਜਣ ਲੱਗਾ ਤਾਂ ਐੱਸ.ਆਈ. ਹਰਮਿੰਦਰ ਸਿੰਘ ਨੇ ਯਕਦਮ ਗੱਡੀ ਰੋਕ ਸਾਥੀ ਕ੍ਰਮਚਾਰੀਆਂ ਦੀ ਮੱਦਦ ਨਾਲ ਉਸ ਨੂੰ ਕਾਬੂ ਕਰਕੇ ਉਸ ਦਾ ਨਾਮ ਪਤਾ ਪੁੱਛਿਆ ਜਿਸ ਨੇ ਆਪਣਾ ਨਾਮ ਪਤਾ ਲਵਪ੍ਰੀਤ ਉਰਫ ਸੱਖਾ ਪੁੱਤਰ ਗੁਰਦੀਪ ਰਾਮ ਵਾਸੀ ਪਿੰਡ ਪਤਾਰਾ ਥਾਣਾ ਪਤਾਰਾ ਜਿਲਾ ਜਲੰਧਰ ਦੱਸਿਆ। ਜਿਸਤੇ ਮੁਸੱਮੀ ਲਵਪ੍ਰੀਤ ਉਰਫ ਸੱਖਾ ਉਕਤ ਦੀ ਤਲਾਸ਼ੀ ਕੀਤੀ ਗਈ ਦੋਰਾਨੇ ਤਲਾਸ਼ੀ ਲਵਪ੍ਰੀਤ ਉਰਫ ਸੱਖਾ ਉਕਤ ਦੀ ਪਹਿਨੀ ਹੋਈ ਪੈਂਟ ਜੀਨ ਰੰਗ ਨੀਲਾ ਦੀ ਜੇਬ ਵਿਚ ਇਕ ਮੋਮੀ ਲਿਫਾਫੇ ਸੀ ਜਿਸਨੂੰ ਖੋਲ ਕੇ ਚੈਕ ਕੀਤਾ ਗਿਆ ਜਿਸ ਵਿਚੋ 03 ਗਰਾਮ ਹੈਰੋਇਨ ਤੇ 120 ਨਸ਼ੀਲੀਆਂ ਗੋਲੀਆਂ ਬ੍ਰਾਮਦ ਹੋਈਆਂ। ਜਿਸਤੇ ਮੁਸੱਮੀ ਸੰਨੀ ਕੁਮਾਰ ਦੇ ਖਿਲਾਫ ਮੁਕੱਦਮਾ ਨੰਬਰ 15 ਮਿਤੀ 01.03.2025 ਅ:ਧ 21ਏ/22ਬੀ-61-85 NDPS ACT ਥਾਣਾ ਪਤਾਰਾ ਅਤੇ ਮੁਸੱਮੀ ਲਵਪ੍ਰੀਤ ਉਰਫ ਸੱਖਾ ਉਕਤ ਦੇ ਖਿਲਾਫ ਮੁੱਕਦਮਾ ਨੰਬਰ 16 ਮਿਤੀ-01.03.2025 ਅ:ਧ 21ਏ/22ਬਿ-61-85 NDPS ACT ਥਾਣਾ ਪਤਾਰਾ ਦਰਜ ਰਜਿਸਟਰ ਕਰਕੇ ਤਫਤੀਸ਼ ਅਮਲ ਵਿੱਚ ਲਿਆਂਦੀ ਗਈ। ਜੋ ਦੋਸ਼ੀਆਂ ਨੂੰ ਪੇਸ਼ ਅਦਾਲਤ ਕੀਤਾ ਜਾ ਰਿਹਾ ਹੈ। ਇਹਨਾਂ ਪਾਸੋਂ ਨਸ਼ਾ ਤਸਕਰੀ ਬਾਰੇ ਹੋਰ ਪੁੱਛ-ਗਿੱਛ ਕੀਤੀ ਜਾਵੇਗੀ।
