ਜਲੰਧਰ, ਐਚ ਐਸ ਚਾਵਲਾ। ਸ੍ਰੀ ਹਰਵਿੰਦਰ ਸਿੰਘ ਵਿਰਕ ਪੀ.ਪੀ.ਐਸ ਸੀਨੀਅਰ ਪੁਲਿਸ ਕਪਤਾਨ, ਜਲੰਧਰ ਦਿਹਾਤੀ ਜੀ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਅਤੇ ਸ੍ਰੀ ਸਰਬਜੀਤ ਰਾਏ ਪੀ.ਪੀ.ਐਸ ਪੁਲਿਸ ਕਪਤਾਨ, (ਤਫਤੀਸ਼) ਤੇ ਸ੍ਰੀ ਵਿਜੇ ਕੰਵਰ ਪਾਲ ਪੀ.ਪੀ.ਐਸ ਉਪ ਪੁਲਿਸ ਕਪਤਾਨ (ਪੀ.ਬੀ.ਆਈ) ਐਨ.ਡੀ.ਪੀ.ਐਸ-ਕਮ-ਨਾਰਕੋਟਿਕ ਕਮ ਸਬ ਡਵੀਜਨ ਕਰਤਾਰਪੁਰ ਜਿਲ੍ਹਾ ਜਲੰਧਰ ਦਿਹਾਤੀ ਦੀ ਰਹਿਨੁਮਾਈ ਹੇਠ ਯੁੱਧ ਨਸ਼ਿਆ ਖਿਲਾਫ ਚਲਾਈ ਗਈ ਵਿਸ਼ੇਸ਼ ਮੁਹਿੰਮ ਤਹਿਤ ਇੰਸਪੈਕਟਰ ਰਮਨਦੀਪ ਸਿੰਘ ਮੁੱਖ ਅਫਸਰ ਥਾਣਾ ਕਰਤਾਰਪੁਰ ਦੀ ਪੁਲਿਸ ਟੀਮ ਵੱਲੋਂ ਮਿਤੀ 12.05.2025 ਨੂੰ 02 ਦੋਸ਼ੀਆਂ ਨੂੰ ਕਾਬੂ ਕਰਕੇ ਇੱਕ ਪਿਸਟਲ 7.65 MM, 02 ਮੈਗਜੀਨ ਸਮੇਤ 10 ਰੋਂਦ ਜਿੰਦਾ, ਇੱਕ ਦੇਸੀ ਕੱਟਾ ਸਮੇਤ 02 ਜਿੰਦਾ ਰੋਂਦ ਬ੍ਰਾਮਦ ਕਰਨ ਵਿੱਚ ਵੱਡੀ ਸਫਲਤਾ ਹਾਸਿਲ ਕੀਤੀ।
ਇਸ ਸਬੰਧੀ ਪ੍ਰੈਸ ਨੂੰ ਜਾਣਕਾਰੀ ਦਿੰਦੇ ਹੋਏ ਸ੍ਰੀ ਵਿਜੇ ਕੰਵਰ ਪਾਲ ਪੀ.ਪੀ.ਐਸ ਉਪ ਪੁਲਿਸ ਕਪਤਾਨ (ਪੀ.ਬੀ.ਆਈ) ਐਨ.ਡੀ.ਪੀ.ਐਸ-ਕਮ-ਨਾਰਕੋਟਿਕ ਕਮ ਸਬ ਡਵੀਜਨ ਕਰਤਾਰਪੁਰ ਜਿਲ੍ਹਾ ਜਲੰਧਰ ਦਿਹਾਤੀ ਜੀ ਨੇ ਦੱਸਿਆ ਕਿ ਮਿਤੀ 12.05.2025 ASI ਬਲਵੀਰ ਸਿੰਘ ਚੌਕੀ ਇੰਚਾਰਜ ਕਿਸ਼ਨਗੜ੍ਹ ਸਮੇਤ ਪੁਲਿਸ ਪਾਰਟੀ ਗਸ਼ਤ ਭੈੜੇ ਪੁਰਸ਼ਾ ਦੇ ਸਬੰਧ ਵਿੱਚ ਕਿਸ਼ਨਗੜ੍ਹ ਤੋਂ ਅੱਡਾ ਨੌਗੱਜਾ ਨੂੰ ਜਾ ਰਹੇ ਸੀ ਤਾ ਜਦ ਪੁਲਿਸ ਪਾਰਟੀ ਬੇਆਬਾਦ ਇੱਟਾਂ ਭੱਠਾ ਕਿਸ਼ਨਗੜ੍ਹ ਦੇ ਸਾਹਮਣੇ ਪੁੱਜੀ ਤਾ ਜਿੱਥੇ ਪਹਿਲਾਂ ਹੀ 02 ਨੌਜਵਾਨ ਖੜ੍ਹੇ ਸਨ । ਜੋ ਇੱਕ ਨੌਜਵਾਨ ਮੋਟਰਸਾਇਕਲ ਪਰ ਸਵਾਰ ਸੀ ਤੇ ਦੂਜਾ ਕੋਲ ਖੜ੍ਹਾ ਸੀ। ਜੋ ਪੁਲਿਸ ਪਾਰਟੀ ਨੂੰ ਦੇਖ ਕੇ ਯਕਦਮ ਘਬਰਾ ਕੇ ਮੌਕਾ ਤੋਂ ਮੋਟਰਸਾਇਕਲ ਪਰ ਸਵਾਰ ਹੋ ਭੱਜਣ ਲੱਗੇ ਜਿਹਨਾਂ ਨੂੰ ASI ਬਲਵੀਰ ਸਿੰਘ ਨੇ ਸਾਥੀ ਕਰਮਚਾਰੀਆਂ ਦੀ ਮਦਦ ਨਾਲ ਕਾਬੂ ਕਰਕੇ ਨਾਮ ਪੁੱਛਿਆ। ਜੋ ਮੋਟਰਸਾਇਕਲ ਚਾਲਕ ਨੇ ਆਪਣਾ ਨਾਮ ਜਸਕਰਨ ਉਰਫ ਕਰਨ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਪਿੰਡ ਭੀਖਾ ਨੰਗਲ ਥਾਣਾ ਕੁਰਤਾਰਪੁਰ ਜਿਲ੍ਹਾ ਜਲੰਧਰ ਦੱਸਿਆ ਅਤੇ ਮੋਟਰਸਾਇਕਲ ਦੇ ਪਿੱਛੇ ਬੈਠੇ ਨੌਜਵਾਨ ਨੇ ਆਪਣਾ ਨਾਮ ਹਰਮਨਪ੍ਰੀਤ ਪੁੱਤਰ ਭੁੱਲਾ ਰਾਮ ਵਾਸੀ ਪਿੰਡ ਦਿਆਲਪੁਰ ਥਾਣਾ ਕਰਤਾਰਪੁਰ ਜਿਲ੍ਹਾ ਜਲੰਧਰ ਦੱਸਿਆ। ਜਿਹਨਾਂ ਦੀ ASI ਬਲਵੀਰ ਸਿੰਘ ਨੇ ਤਲਾਸ਼ੀ ਲੈਣ ਤੇ ਜਸਕਰਨ ਉਰਫ ਕਰਨ ਦੀ ਪਹਿਨੀ ਹੋਈ ਪੈਂਟ ਦੀ ਸੱਜੀ ਡੱਬ ਵਿੱਚੋਂ ਇੱਕ ਦੇਸੀ ਕੱਟਾ ਬਿਨ੍ਹਾ ਮਾਰਕਾ ਜਿਸਨੂੰ ਅਨਲੋਡ ਕਰਨ ਤੇ ਇੱਕ ਰੋਂਦ ਮਾਰਕਾ KF 8 MM ਬਰਾਮਦ ਹੋਇਆ ਅਤੇ ਖੱਬੀ ਜੇਬ ਵਿੱਚੋ ਜਿੰਦਾ ਰੋਂਦ ਮਾਰਕਾ KF 8 MM ਬਰਾਮਦ ਹੋਇਆ ਅਤੇ ਹਰਮਨਪ੍ਰੀਤ ਉਕਤ ਦੀ ਤਲਾਸ਼ੀ ਲੈਣ ਤੇ ਪਹਿਨੀ ਹੋਈ ਪੈਂਟ ਦੀ ਸੱਜੀ ਡੱਬ ਵਿੱਚੋਂ ਇੱਕ ਪਿਸਟਲ 7.65 MM ਬਿਨ੍ਹਾ ਮਾਰਕਾ ਰੰਗ ਕਾਲਾ ਜਿਸਦੇ ਮੈਗਜ਼ੀਨ ਵਿੱਚੋਂ 05 ਰੋਂਦ 7.65 MM ਜਿੰਦਾ ਬ੍ਰਾਮਦ ਹੋਏ ਅਤੇ ਪਹਿਨੀ ਹੋਈ ਪੈਂਟ ਦੀ ਸੱਜੀ ਜੇਬ ਵਿੱਚ ਭਰਿਆ ਹੋਇਆ ਮੈਗਜੀਨ ਜਿਸ ਵਿੱਚ 05 ਰੋਂਦ 7.65 MM ਬ੍ਰਾਮਦ ਹੋਏ ਜਿਹਨਾਂ ਨੂੰ ASI ਬਲਵੀਰ ਸਿੰਘ ਨੇ ਕਬਜੇ ਵਿੱਚ ਲੈ ਕੇ ਮੁੱਕਦਮਾ ਦਰਜ ਰਜਿਸਟਰ ਕਰਕੇ ਤਫਤੀਸ਼ ਅਮਲ ਵਿੱਚ ਲਿਆਦੀ। ਜਸਕਰਨ ਉਰਫ ਕਰਨ ਗੈਂਗਸਟਰ ਵਿਜੇ ਕੁਮਾਰ ਉਰਫ ਵਿਜੇ ਪੁੱਤਰ ਦਲਵੀਰ ਵਾਸੀ ਭੀਖਾ ਨੰਗਲ ਦਾ ਭਤੀਜਾ ਹੈ। ਜੋ ਜਸਕਰਨ ਉਕਤ ਵੀ ਕਤਲ, ਡਾਕੇ ਅਤੇ ਨਜਾਇਜ ਹਥਿਆਰ ਰੱਖਣ ਦੀਆਂ ਵਾਰਾਦਾਤਾਂ ਵਿੱਚ ਸਰਗਰਮ ਹੈ। ਦੋਸ਼ੀ ਜਸਕਰਨ ਤੇ ਪਹਿਲਾਂ ਵੀ ਦਰਜ 3 ਮੁੱਕਦਮੇ ਦਰਜ ਹਨ। ਦੋਵਾਂ ਦੋਸ਼ੀਆਂ ਨੂੰ ਅੱਜ ਪੇਸ਼ ਅਦਾਲਤ ਕਰਕੇ ਪੁਲਿਸ ਰਿਮਾਂਡ ਹਾਸਲ ਕਰਕੇ ਹੋਰ ਵੀ ਵਾਰਦਾਤਾਂ ਬਾਰੇ ਪੁੱਛਗਿੱਛ ਕੀਤੀ ਜਾਵੇਗੀ ।
