PRIME INDIAN NEWS – H S CHAWLA
ਸੱਤ ਸ਼੍ਰੀ ਆਕਾਲ ਚੈਰੀਟੇਬਲ ਟਰੱਸਟ ਮੁੰਬਈ ਵੱਲੋ ਮੁੰਬਈ ਸ਼੍ਰੀ ਸ਼ਾਨਮੁਕੰਦਾ ਚੰਦਰਾ ਸ਼ੇਕਾਨਦ੍ਰਾ ਸਰਸਵਤੀ ਆਡੀਟੋਰੀਅਮ ਕਿੰਗ ਸਰਕਲ ਵਿਖ਼ੇ 2024 ਸਿੱਖ ਅਚੀਵਰ ਅਵਾਰਡ ਕਰਵਾਇਆ ਗਿਆ। ਜਿਸ ਵਿੱਚ ਜਲੰਧਰ ਸ਼ਹਿਰ ਦੀ ਸਿਰਮੌਰ, ਅਣਥੱਕ , 24 ਘੰਟੇ ਨਿਸ਼ਕਾਮ ਸਮਾਜ ਸੇਵਾ ਨਿਭਾਉਣ ਵਾਲ਼ੀ, ਲੋੜਵੰਦਾ ਦੀਆਂ ਟੁੱਟੀਆਂ ਉਮੀਦਾਂ ਤੇ ਖਰੀ ਉਤਰਨ ਵਾਲ਼ੀ ਸੰਸਥਾ ਆਖਰੀ ਉਮੀਦ ਦੇ ਮੋਢੀ ਜਤਿੰਦਰ ਪਾਲ ਸਿੰਘ ਨੂੰ 2024 ਸਿੱਖ ਅਚਿਵਰ ਅਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ।
ਇਸ ਮੌਕੇ ਤੇ ਧਾਰਮਿਕ ਸਮਾਜਿਕ ਰਾਜਨੀਤਿਕ ਅਤੇ ਵੱਖ ਵੱਖ ਕਲਾਕਾਰਾਂ, ਗਾਇਕਾਂ ਨੇ ਹਿੱਸਾ ਲਿਆ। ਜਿੱਸ ਵਿੱਚ ਵੱਖ਼ ਵੱਖ ਸ਼ਹਿਰਾਂ ਵਿੱਚ ਸੇਵਾ ਨਿਭਾ ਰਹੀਆਂ ਸ਼ਖਸੀਅਤਾ ਦਾ ਸਨਮਾਨ ਕੀਤਾ ਗਿਆ।
ਇਸ ਮੌਕੇ ਤੇ ਜਤਿੰਦਰ ਪਾਲ ਸਿੰਘ ਪ੍ਰਧਾਨ ਆਖਰੀ ਉਮੀਦ ਐਨਜੀਓ ਨੇ ਦੱਸਿਆ ਕਿ ਓਹਨਾਂ ਦੀ ਸੰਸਥਾਂ ਜੋਂ ਕਿ ਕਾਫੀ ਲੰਬੇ ਸਮੇਂ ਤੋਂ 11 ਰੁਪਏ ਵਿੱਚ ਰੋਟੀ ਕਪੜੇ ਦਵਾਈਆਂ ਅੱਤੇ ਅੰਬੂਲੇਸ ਸੇਵਾ ਨਿਭਾ ਰਹੀ ਹੈ। ਜਿਸ ਦੀਆਂ ਵੱਖ ਵੱਖ ਸ਼ਹਿਰਾਂ ਵਿੱਚ ਬ੍ਰਾਂਚਾਂ ਖੋਲ੍ਹ ਕੇ ਲੋੜਵੰਦਾਂ ਨੂੰ ਸੇਵਾਵਾਂ ਮੁਹੱਯਾ ਕਰਵਾਈਆਂ ਜਾ ਰਹੀਆਂ ਹਨ। ਹੁਣ ਤੱਕ ਸੰਸਥਾ ਜਲੰਧਰ, ਖੰਨਾ, ਦਿੱਲੀ ਵਿੱਚ ਸੇਵਾਵਾਂ ਨਿਭਾ ਰਹੀ ਹੈ।
ਜਤਿੰਦਰ ਪਾਲ ਸਿੰਘ ਜੀ ਨੇ ਆਖਿਆ ਕਿ ਇਹ ਜੋ ਸਨਮਾਨ ਓਹਨਾਂ ਨੂੰ ਮਿਲਿਆ ਹੈ ਇਸ ਦੇ ਹੱਕਦਾਰ ਸਮੁੱਚੀ ਟੀਮ ਅਤੇ ਦਾਨੀ ਸੱਜਣ ਹਨ। ਜਿੰਨਾ ਵੱਲੋਂ ਦਿਨ ਰਾਤ ਸੰਸਥਾਂ ਨਾਲ਼ ਮੋਢੇ ਨਾਲ ਮੋਢਾ ਜੋੜ ਕੇ ਸੇਵਾ ਨਿਭਾਈ ਜਾ ਰਹੀ ਹੈ।
ਜਤਿੰਦਰ ਪਾਲ ਸਿੰਘ ਵੱਲੋਂ ਸੱਭ ਨੂੰ ਇਸ ਅਵਾਰਡ ਦੀ ਵਧਾਈ ਦਿੱਤੀ ਗਈ ਅਤੇ ਸੱਭ ਨੂੰ ਸਮਾਜ ਸੇਵਾ ਲਈ ਤਨ ਮਨ ਧਨ ਨਾਲ਼ ਅੱਗੇ ਵਧਣ ਲਈ ਅਪੀਲ਼ ਕੀਤੀ ਗਈ।
