ਜਲੰਧਰ, ਐਚ ਐਸ ਚਾਵਲਾ। ਮਾਣਯੋਗ ਸ਼੍ਰੀ ਸਤਿੰਦਰ ਸਿੰਘ IPS ਕਮਿਸ਼ਨਰ ਪੁਲਿਸ ਜਲੰਧਰ ਜੀ ਦੇ ਦਿਸ਼ਾ ਨਿਰਦੇਸ਼ ਤੇ ਚੋਰੀ ਕਰਨ ਵਾਲੇ ਮਾੜੇ ਅਨਸਰਾ ਨੂੰ ਕਾਬੂ ਕਰਨ ਚਲਾਈ ਮੁਹਿੰਮ ਦੇ ਮੱਦੇ ਨਜਰ ਸ੍ਰੀ ਰਾਕੇਸ਼ ਕੁਮਾਰ ਯਾਦਵ, PPS ਏ.ਡੀ.ਸੀ.ਪੀ-2 ਅਤੇ ਸ੍ਰੀ ਕੁਲਵਿੰਦਰ ਸਿੰਘ ਵਿਰਕ PPS ਏ.ਸੀ.ਪੀ ਕੈਂਟ ਦੀ ਨਿਗਰਾਨੀ ਹੇਠ SI ਸੁਰਜੀਤ ਸਿੰਘ ਸਿੰਘ ਚੌਂਕੀ ਇੰਚਾਰਜ ਪਰਾਗਪੁਰ ਨੇ ਮੋਟਰਸਾਈਕਲ ਚੋਰ ਨੂੰ ਕਾਬੂ ਕਰਕੇ ਵੱਡੀ ਸਫਲਤਾ ਹਾਸਿਲ ਕੀਤੀ। ਮਿਤੀ 27-07-2026 ਨੂੰ ਵਕਤ ਕੀਬ 07:30 ਏ.ਐਮ ਨੂੰ ਸਮਾਰਟ ਫਿਟਨੈਸ ਗੁਰੂ ਜਿੰਮ ਦੇ ਬਾਹਰੋ ਚੌਰੀ ਹੋਈ ਸੀ। ਜਿਸ ਸਬੰਧੀ ਮੁਕੱਦਮਾ ਨੰਬਰ 140 ਮਿਤੀ 28-07-2026 ਅ/ਧ 303(2) ਬੀ.ਐਨ.ਐਸ.,ਜਲੰਧਰ ਦਰਜ ਰਜਿਸਟਰ ਕੀਤਾ ਸੀ।
ਜੋ ਉਕਤ ਮੁਕੱਦਮਾ ਦਰਜ ਰਜਿਸਟਰ ਕਰਕੇ ਮੁੱਖਬਰੀ ਦੇ ਆਧਾਰ ਤੇ ਮਿਤੀ 28-07-2026 ਨੂੰ ਦੋਸ਼ੀ ਹਰਪਾਲ ਸਿੰਘ ਪੁੱਤਰ ਮਹਿੰਦਰ ਸਿੰਘ ਵਾਸੀ ਪਿੰਡ ਦੀਵਾਲੀ ਥਾਣਾ ਸਦਰ ਜਲੰਧਰ ਹਾਲ ਵਾਸੀ ਸਲੇਮਪੁਰ ਮਸੰਦਾ ਥਾਣਾ ਪਤਾਰਾ ਜਿਲ੍ਹਾਂ ਜਲੰਧਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਅਤੇ ਉਸ ਪਾਸੋ ਚੌਰੀ ਸ਼ੁਦਾ ਮੋਟਰਸਾਇਕਲ ਨੰਬਰੀ PB09-AA-3379 ਮਾਰਕਾਂ ਬਜਾਜ ਸੀ.ਟੀ-100 ਰੰਗ ਕਾਲਾ ਅਤੇ ਲਾਲ ਬ੍ਰਾਮਦ ਕੀਤਾ ਗਿਆ। ਦੋਸ਼ੀ ਹਰਪਾਲ ਸਿੰਘ ਉਕਤ ਨੂੰ ਮਾਣਯੋਗ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਅਤੇ ਉਸ ਦਾ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ। ਜੋ ਦੋਸ਼ੀ ਹਰਪਾਲ ਸਿੰਘ ਪਾਸੋ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
